Red Bull rekið úr tímatökunni
Setja bókamerki
Tengdar fréttir
Formúla-1/Red Bull
Árangur ökumanna Red Bull í tímatökunni í Abu Dhabi í dag hefur verið strikaður út þar sem framvængur bíla þeirra Sebastian Vettels og Daniels Ricciardo reyndist ólögmætur.
Eftir tímatökuna benti einn af tæknifulltrúum Alþjóða akstursíþróttasambandsins (FIA) eftirlitsdómurum kappakstursins á, að hugsanlega væri eitthvað bogið við framvæng bíla Red Bull.
Framkvæmdu dómararnir síðan sjálfstæða rannsókn á vængjunum og niðurstaða þeirra var að þeir væru ólögmætir. Þeir hafi verið hannaðir með þeim hætti að flipar á vængnum svignuðu á mikilli ferð og ykju þannig afköst bílsins.
Stjórnendur Red Bull sögðust taka niðurstöðunni en kvörtuðu undan því að vera teknir út úr hópnum og refsað einum. Héldu þeir fram, að önnur lið beittu samskonar brellum með framvængi sína.
Vettel og Ricciardo urðu í fimmta og sjötta sæti í tímatökunni. Þeir fá að taka þátt í kappakstrinum á morgun en hefja keppni aftastir. í 19. og 20. sæti.
Tengdar fréttir
Formúla-1/Red Bull
Aðkoman í gripahúsið mjög slæm
Ekki byggt í takt við áform sveitarfélaga
Gerir ráð fyrir 150 samningum í næstu viku
Kveðst tala af virðingu: „Ég er enginn dóni“
Færa slökkviliðið til nútímans
Ísraelar hefna árásarinnar
Ofsóttur innan veggja Boeing
Sárt að horfa upp á illa meðferð fjármuna