Räikkönen ökumaður dagsins
Setja bókamerki
Kimi Räikkönen hjá Ferrari var kjörinn ökumaður dagsins í ungverska kappakstrinum, samkvæmt niðurstöðum kosningar á heimasíðu formúlu-1.
Þetta er í fyrsta sinn sem Räikkönen hlotnast heiðurinn en kosning og útnefning ökumanns dagsins er nýmæli í formúlu-1 í ár.
Räikkönen hóf keppni í 14. sæti eftir misheppnaðan akstur í annarri lotu tímatökunnar í Hungaroring. Í keppninni sjálfri skaust hann jafnt og þétt fram á við með velheppnaðri keppnisáætlun. Á endanum háði hann harða rimmu um fimmta sætið við Max Verstappen hjá Red Bull. Reyndi Räikkönen margsinnis framúrakstur en komst aldrei nógu langt í þeim tilraunum þótt litlu munaði stundum.
Eftirtaldir hafa valist ökumenn dagsins í mótum ársins:
Ástralía - Romain Grosjean, (varð 6. í mark)
Barein - Romain Grosjean (5.)
Kína - Daniil Kvyat (3.)
Rússland - Kevin Magnussen (7.)
Spánn - Max Verstappen (1.)
Mónakó - Sergio Perez (3.)
Kanada - Max Verstappen (4.)
Azerbajdzhan - Sergio Perez (3.)
Austurríki - Max Verstappen (2.)
Bretland - Max Verstappen (2.)
Ungverjaland - Kimi Räikkönen (6.)
Unnu að fullum heillindum að kaupum á TM
Á annað hundrað símtala vegna nikótínvara
„Búið að vera í dreifingu í einhvern tíma“
Hafa „ágætis tíma“ til úrbóta
Ný staða uppi og óvissan meiri
Mun fara sparlega með málskotsréttinn