Íþróttir | Formúla 1 | mbl | 8.9.2017 | 13:30 | Uppfært 14:40

Paul Ricard öðrum til viðmiðunar

Mynd 1 af 14 Paul Ricard-brautin við Le Castellet en franski kappaksturinn fer þar fram 24. júní 2018.

Mynd 2 af 14 Franski ökumaðurinn Romain Grosjean hjá Haas ræddi við blaðamenn og lýsti Paul Ricard brautinni er hún var kynnt í gær. AFP

Mynd 3 af 14 Ökumennirnir Jean Alesi (l.t.v.) og Romain Grosjean (l.t.h.) voru viðstaddir er borgarstjórinn í Nice og formaður framkvæmdanefndar franska kappakstursins, Christian Estrosi, kynnti merki hans og brautarlegu. AFP

Mynd 4 af 14 Franski ökumaðurinn Romain Grosjean hjá Haas ræddi við blaðamenn og lýsti Paul Ricard brautinni er hún var kynnt í gær. AFP

Mynd 5 af 14 Táknmerki franska kappakstursins 2018 var kynnt í gær í Le Castellet syðst í Frakklandi. AFP

Mynd 6 af 14 Paul Ricard brautin við Le Castellet er mögnuð.

Mynd 7 af 14 Paul Ricard brautin við Le Castellet er mögnuð.

Mynd 8 af 14 Komið út úr lokabeygju Paul Ricard brautarinnar við Le Castellet í Suður-Frakklandi.

Mynd 9 af 14 Þyngarkraftarnir reyna verulega á bíl og ökumenn í Signet beygjunni hröðu í Paul Rivard brautinni.

Mynd 10 af 14 Ökumönnum þykir Paul Ricard brautin í Suður-Frakklandi mögnuð.

Mynd 11 af 14 Paul Ricard brautin í Suður-Frakklandi hefur verið notuð til reynsluaksturs auk keppni í öllum öðrum greinum en formúlu-1.

Mynd 12 af 14 Paul Ricard brautin í Suður-Frakklandi hefur verið notuð til reynsluaksturs auk keppni í öllum öðrum greinum en formúlu-1.

Mynd 13 af 14 Paul Ricard brautin í Suður-Frakklandi.

Mynd 14 af 14 Franski kappaksturinn fer fram að nýju á næsta ári. Keppt er í Paul Ricard brautinni við suðurströndina í stað Magny-Cours inni í miðju landi.

Ný lega Paul Ricard-brautarinnar verður ökumönnum formúlu-1 „virkileg viðmiðun“ er þeir spreyta sig í henni á franska kappakstrinum á næsta ári.

Þetta segir franski ökumaðurinn og fyrrverandi Ferrariþórinn Jean Alesi en nú hefur keppnisbrautin verið ákveðin fyrir formúlukappaksturinn 24. júní næsta sumar.

Vangaveltur hafa verið um hvort lengsti beini kafli brautarinnar, Mistral-brautarkaflinn, yrði óbreyttur, en það hefði þýtt að ökumenn hefðu komið á 350 km/klst hraða inn að Signes-beygjunni.

Ákveðið hefur hins vegar verið að bæta hlekkbeygju inn í kaflann hálfa leið niður hann. Þrátt fyrir það er áætlað að bílarnir komi á um 344 km/klst hraða að þessum hlykk en talið er að þar muni gefast tækifæri til framúrtöku.

Alesi segir það litlu breyta og brautin verði eftir sem áður höfð til viðmiðunar því í henni sé að finna allar mögulegar gerðir af beygjum. „Ég er sannfærður um að ökumenn munu skemmta sér heilmikið í brautinni, segir Alesi.

Keppnishringurinn er 5,8 kílómetrar. Miðasala á kappaksturinn hefst um miðjan nóvember. Búist er við mikilli aðsókn en til marks um áhuga frakka á formúlunni leggja um 20.000 þeirra land undir fót og fer á Spánarkappaksturinn í Barcelona ár hvert. Með að minnsta kosti tvo franska ökumanna meðal keppenda verður áhugi á kappakstrinum í Le Castellet eflaust mikill.