Íþróttir | Formúla 1 | mbl | 28.10.2017 | 7:59

Laus ró angraði Vettel

Mynd 1 af 4 Laus skrúfa hrellti Sebastian Vettel á æfingunni í Hermanos Rodriguez brautinni í Mexíkóborg. AFP

Mynd 2 af 4 Laus skrúfa hrellti Sebastian Vettel á æfingunni í Hermanos Rodriguez brautinni í Mexíkóborg. AFP

Mynd 3 af 4 Laus skrúfa hrellti Sebastian Vettel á æfingunni í Hermanos Rodriguez brautinni í Mexíkóborg. AFP

Mynd 4 af 4 Lewis Hamilton á Mercedes (t.v.) fer fram úr Sebastian Vettel á Ferrari á æfingu í Mexíkóborg í gær. AFP

Laus skrúfa gerði Sebastian Vettel á Ferrari lífið leitt í bókstaflegri merkingu á seinni æfingunni í Mexíkóborg í gær.

Til hennar er rakið að slökkvibúnaður í bílnum fór skyndilega og fyrirvaralaust í gang. Hægði Vettel ferðina og tilkynnti um óþægindin. Ók hann rakleitt inn að bílskúr Ferrari og hafði fataskipti á sama tíma og tæknimenn liðsins festu skrúfuna lausu og þrifu bílinn vatni og kvoðu.

„Gusan var ekki beint þægileg - -hálfgerð niðurkæling,“ sagði Vettel um málið. Á endanum setti hann fjórða besta tíma æfingarinnar, var 0,250 sekúndum lengur í ferðum en Daniel Ricciardo á Red Bull.