Katrín Jóns: Erum rosalega ánægðar með stigin

Katrín Jónsdóttir, fyrirliði Íslands, lék sinn 74. landsleik gegn Slóveníu og bætir landsleikjamet sitt með hverjum leik sem hún spilar. Katrín átti fremur náðugan dag miðvarðastöðunni en fór fram í hornum og lét þá mikið að sér kveða. Skoraði mark og gerði annað sem var dæmt af vegna rangstöðu. Hún segir mikilvægast í þessu að hafa tekið stigin sem voru í boði:

"Við skoruðum fimm mörk og fengum ekkert á okkur. Við tókum þrjú stig sem var náttúrulega markmiðið. Við erum rosalega ánægðar með það. Þetta var ekki alveg öruggt þarna í byrjun. Við vorum frekar stressaðar og spennustigið var kannski aðeins of hátt. En það var bara fyrstu tíu til fimmtán mínúturnar. Eftir það unnum við okkur vel inn í leikinn og þetta gekk bara vel" sagði Katrín Jónsdóttir að leiknum loknum.

Ítarlega er rætt við Katrínu í Morgunblaðinu á mánudaginn.

• 1 blogg um fréttina

Bloggað um fréttina

• Magnús Geir Guðmundsson: N'u er ég stoltur Íslendingur!