Gareth O'Sullivan sagt upp hjá KR

Stjórn knattspyrnudeildar KR hefur sagt upp Gareth O'Sullivan, þjálfara meistaraflokks kvenna, og lætur hann strax af störfum. Þetta kemur fram í fréttatilkynningu sem birt var á vef KR nú um tíuleytið í kvöld.

Ástæða uppsagnarinnar er sögð vera trúnaðarbrestur milli knattspyrnudeildarinnar og þjálfarans.

O'Sullivan er 38 ára gamall Íri sem þjálfaði lið Aftureldingar árin 2007 og 2008. Hann var ráðinn til KR í haust í stað Helenu Ólafsdóttur.

Kristrún Lilja Daðadóttir, þjálfari 2. flokks kvenna hjá KR, hefur tekið við stjórn meistaraflokksliðsins á meðan leitað er að nýjum þjálfara. Kristrún stjórnaði liði KR í síðasta leik liðsins, 0:9 tapi gegn Breiðabliki í deildabikarnum, í fjarveru O'Sullivans.

• 1 blogg um fréttina

Bloggað um fréttina

• Halldór Jóhannsson: Ég ....