Zwolle burstaði Ajax í úrslitaleiknum

Leikmenn Zwolle fagna óvæntum stórsigri í úrslitaleik bikarkeppninnar í dag.
Leikmenn Zwolle fagna óvæntum stórsigri í úrslitaleik bikarkeppninnar í dag. AFP

Kolbeinn Sigþórsson og félagar hans í Ajax steinlágu fyrir Zwolle, 5:1,  í úrslitaleik hollensku bikarkeppninnar í knattspyrnu sem fram fór í Rotterdam í dag.

Ajax fékk óskabyrjun þegar Ricardo van Rhijn skoraði á 3. mínútu en Zwolle fjögur mörk í fyrri hálfleik og bætti svo því fimmta við í seinni hálfleik. Kolbeinn lék allan tímann í framlínu Ajax.

Flestir reiknuðu með öruggum sigri Ajax enda eru Hollandsmeistararnir í efsta sæti deildarinnar og eru svo gott sem búnir að tryggja sér titilinn fjórða árið í röð. Zwolle er hins vegar í 9. sæti deildarinnar.

mbl.is
Fleira áhugavert
Fleira áhugavert