Brasilískir bakverðir er eitthvað sem forráðamönnum Barcelona fellur vel í geð. Félagið hefur nú samið við Brasilíumanninn Douglas Pereira og verður hann sjötti brasilíski bakvörðurinn sem klæðist búningi Barcelona á þessari öld.
Douglas, sem er 24 ára gamall, kemur til Börsunga frá brasilíska liðinu Sao Paulo en þeir fimm brasilísku bakverðir sem hafa verið í herbúðum Katalóníuliðsins eru: Juliano Belletti, Sylvinho, Maxwell Scherrer, Adriano Correia og Dani Alves. Saman hafa þeir unnið 50 titla með félaginu.
Samningur Pereira verður til fimm ára en Barcelona greiðir í byrjun 4 milljónir evra fyrir leikmanninn en sú upphæð hækkar um eina og hálfa milljón evra við tiltekinn fjölda leikja.