Spænska knattspyrnuliðið Real Madríd hefur tryggt sér þjónustu franska miðvarðarins Raphaël Varane næstu sex árin í viðbót, því kappinn skrifaði í dag undir samning til ársins 2020 við Madrídinga.
Varane sem er aðeins 21 árs hefur þrátt fyrir ungan aldur leikið 74 leiki og skorað 4 mörk fyrir Real Madríd frá því hann kom til liðsins frá Lens í Frakklandi árið 2011. Hjá Lens lék Varane 24 leiki og skoraði 2 mörk aðeins 17 ára.
Varane er orðinn fastamður í franska landsliðinu og hefur þegar leikið 13 A-landsleiki.