Fjögur mörk voru skoruð á síðustu 10 mínútum leiksins þegar Inter og Napoli gerðu 2:2 jafntefli í ítölsku A-deildinni í knattspyrnu í kvöld.
Jose Maria Callejon skoraði bæði mörk Napoli í leiknum en hann kom sínum mönnum tvívegis í forystu. Fredy Guarin skoraði fyrra mark Inter og Brasilíumaðurinn Hernanes tryggði svo Inter annað stigið þegar hann jafnaði metin á lokamínútunni.