Kolbeinn Sigþórsson er að vanda í byrjunarliði Ajax sem mætir Barcelona á Camp Nou kl. 18.45 í Meistaradeild Evrópu í knattspyrnu.
Barcelona er með þrjú stig eftir tvær fyrstu umferðirnar en Ajax tvö. PSG er efst í riðlinum með fjögur stig en APOEL er með 1 stig. Tvö síðastnefndu liðin mætast á Kýpur í kvöld.
Byrjunarlið Barcelona: Ter Stegen; Alves, Pique, Bartra, Alba; Mascherano, Rakitic, Iniesta; Pedro, Messi, Neymar.
Byrjunarlið Ajax: Cillessen; Van Rhijn, Veltman, Moisander, Viergever; Klaassen, Zimling, Andersen; Schöne, Kolbeinn, Kishna.