Real Sociedad fer ágætlega af stað undir stjórn David Moyes og gerði í dag 1:1 jafntefli á útivelli gegn Levante í spænska fótboltanum.
Alfreð Finnbogason var í byrjunarliðinu og lék í 81. mínútu í framlínu Sociedad.
Niðurstaðan var heldur súr fyrir Sociedad sem tók forystuna snemma í síðari hálfleik með marki frá Sergio Canales en í uppbótartíma fékk heimaliðið vítaspyrnu þegar boltinn fór í hönd varnarmanns Sociedad í skallaeinvígi. Andreas Ivanschitz skoraði af gríðarlegu öryggi úr vítinu.
Liðin eru með jafn mörg stig í 14. - 15. sæti deildarinnar.