Íþróttir | Fótbolti | mbl | 27.2.2015 | 11:29

Segja bananakastið byggt á misskilningi

Dómarar leiksins fjarlægja uppblásna bananann sem kastað var í átt …
Dómarar leiksins fjarlægja uppblásna bananann sem kastað var í átt að Gervinho. EPA

Fátt er um meira rætt eftir leiki gærkvöldsins í Evrópudeildinni heldur en kynþáttaníð stuðningsmanna hollenska liðsins Feyenoord í garð Gervinho, leikmanns Roma, í sigri ítalska liðsins. Þeir virtust þá henda uppblásnum banana í átt að Fílabeinsstrendingnum þegar liðin mættust í Hollandi.

Fred Rutten, knattspyrnustjóri Feyenoord, segir það hins vegar af og frá að gjörningurinn hafi falið í sér kynþáttaníð. „Ég sé það ekki þannig. Við höfum marga leikmenn af mismunandi þjóðernum í okkar liði svo þetta stenst ekki. Það er gert of mikið úr þessu,“ sagði Rutten eftir leikinn, en forráðamenn félagsins segja að það sé hefð að uppblásnir bananar séu hafðir í stúkunni.

Leikurinn var stöðvaður í um fimmtán mínútur á meðan reynt var að róa stuðningsmennina sem köstuðu fleiru lauslegu inn á völlinn. Skemmst er að minnast fyrri leiks liðanna í Róm þar sem á annan tug þeirra handteknir eftir að hafa framið skemmdarverk á fornminjum. Fullvíst er að Feyenoord eigi von á refsingu frá Evrópska knattspyrnusambandinu.

Gervinho skoraði í leiknum og tryggði Roma áfram, en hann birti eftirfarandi tíst á Twitter-síðu sinni eftir leikinn.

mbl.is
Fleira áhugavert
Stóraukið fé til samgöngusáttmála „Menn eru bara búnir að forgangsraða“ Hafa samþykkt kaup fyrir um 9,2 milljarða Innviðir þandir og álagið „gríðarlegt“
Fleira áhugavert
Ölfusárbrú opnuð aftur eftir bílslys Telur eyðsluna munu rjúka upp úr öllu valdi Benda á Samgöngustofu sem bendir út í heim Aukin tíðni þungunarrofa hjá yngsta aldurshópnum