Danmörk skellti heimsmeisturunum

Janni Jensen á í höggi við Yuika Sugasawa í leiknum …
Janni Jensen á í höggi við Yuika Sugasawa í leiknum í dag. AFP

Opnunarleik Algarve-bikarsins í knattspyrnu er lokið, en þar mættust Japan og Danmörk í C-riðli.

Þar höfðu Danir betur, 2:1, en þess má geta að Japan er heimsmeistari í kvennaflokki. Danir komust yfir strax í upphafi leiks þegar Sanne Troelsgaard skoraði en Kozue Ando jafnaði metin fyrir Japan strax á sautjándu mínútu. Það var svo Johanna Rasmussen sem tryggði Danmörku sigurinn með marki snemma í síðari hálfleik.

Hin liðin í riðlinum eru Portúgal og Frakkland sem mætast síðar í dag.

mbl.is
Fleira áhugavert
Fleira áhugavert