Elías skoraði á Spáni

Elías Már Ómarsson í leik með Keflavík.
Elías Már Ómarsson í leik með Keflavík. mbl.is/Eggert

Keflvíkingurinn Elías Már Ómarsson skoraði fyrsta mark norska knattspyrnuliðsins Vålerenga í dag þegar það sigraði spænska C-deildarliðið Marbella, 3:0, í æfingaleik á heimavelli þess á Spáni.

Elías hefur farið vel af stað með norska liðinu og skorað tvö af fimm mörkum þess á undirbúningstímabilinu til þessa. Hann kom til liðs við félagið í byrjun febrúar en í janúar lék þessi tvítugi kantmaður sína fyrstu tvo A-landsleiki fyrir Íslands hönd.

Keppni í norsku úrvalsdeildinni hefst um páskana og Vålerenga byrjar á heimaleik gegn Strömsgodset á öðrum degi páska, 6. apríl.

mbl.is
Fleira áhugavert
Fleira áhugavert