Lionel Messi innsiglaði sigur Barcelona á Valencia í spænsku 1. deildinni í knattspyrnu í dag, 2:0 með marki í uppbótartíma. Þetta var um leið sögulegt mark því Argentínumaðurinn snjalli hefur nú skorað 400 mörk fyrir Katalóníuliðið.
Luis Suárez skoraði eftir 55 sekúndna leik eftir sendingu frá Messi og sigurinn styrkir stöðu Barcelona á toppi deildarinnar. Þar er liðið nú með 78 stig en Real Madrid, sem á leik til góða gegn Málaga í kvöld, er með 73 stig í öðru sæti. Valencia er með 65 stig í fjórða sæti, stigi á eftir Real Madrid, en liðið nýtti ekki tækifæri til að jafna á Camp Nou í dag þegar það brenndi af vítaspyrnu.
Mörkin 400 hjá Messi:
278 í spænsku 1. deildinni
75 í Meistaradeild Evrópu
32 í spænsku bikarkeppninni
10 í spænska Stórbikarnum
4 í heimsbikar félagsliða
1 í Stórbikar Evrópu
Hér er 400. markið í uppsiglingu, Messi einn gegn markverði Valencia í blálokin:
TV: Messi avgör matchen i slutet - se argentinarens mäktiga soloprestation här:
http://t.co/5YSlHjtbo4 pic.twitter.com/4CLXwtBjBo
— Fotbollskanalen (@fotbollskanal) April 18, 2015