Ítalski markvörðurinn magnaði Gianluigi Buffon sagði í viðtali í dag að hann hygðist leggja skóna á hilluna í síðasta lagi eftir HM í Rússlandi árið 2018.
„Ég ætla að reyna að ná næsta heimsmeistaramóti. Þá er væntanlega kominn tími á að loka dyrunum,” sagði Buffon við fjölmiðla í dag en hann verður 38 ára gamall í janúar.
Buffon varð heimsmeistari með Ítölum árið 2006 og hefur leikið undanfarin ár með Juventus þar sem hann hefur unnið sex Ítalímeistaratitla en hann hóf feril sinn hjá Parma.