Þýski knattspyrnumaðurinn Jerome Boateng er sorgmæddur vegna ummæla Alexanders Gaulands, stjórnmálamanns í AfD-flokknum. Gauland sagði í viðtali á laugardag að fólk vildi ekki mann eins og Boateng sem nágranna.
„Það er sorglegt að heyra svona ummæli enn þann dag í dag,“ sagði Boateng eftir að Þýskaland tapaði 3:1 fyrir Slóvakíu í vináttulandsleik í gær.
„Ég er ánægður Þjóðverji. Ég er einnig stoltur, annars myndi ég ekki spila með landsliðinu,“ bætti Boateng við en faðir Boatengs er frá Gana en leikmaðurinn er alinn upp í Þýskalandi.
Ummæli Gaulands vöktu hörð viðbrögð. Reinhard Grindel, forseta þýska knattspyrnusambandsins, sagði að Boateng væri frábær leikmaður og yndislegur einstaklingur. Oliver Bierhoff, framkvæmdastjóri þýska landsliðsins, sagði ummælin ekki svaraverð.
Fyrri frétt mbl.is: „Vill Boateng ekki sem nágranna“