Cristiano Ronaldo er efstur á lista sem UEFA tekur reglulega saman þar sem frammistaða leikmanna sem leika í Evrópu er metin. Leikmenn eru flokkaðir eftir þeirri stöðu sem þeir spila og fá stig fyrir mismunandi þætti knattspyrnunnar eftir því hvaða stöðu þeir spila.
Zlatan Ibrahimovic er í öðru sæti á listanum og Antoine Griezmann í þriðja sæti. Danny Drinkwater sem hlaut ekki náð fyrir augum Roy Hodgson, landsliðsþjálfara enska landsliðsins í knattspyrnu karla, fyrir lokakeppni Evrópumótsins er í áttunda sæti yfir enska leikmenn.