Brasilíumaðurinn Neymar hefur bundið enda á vangaveltur um framtíð sína. Hann skrifaði í morgun undir nýjan samning við Barcelona sem mun halda honum hjá spænsku meisturunum í knattspyrnu til ársins 2021.
Neymar hafði verið orðaður við brottför frá Barcelona á síðustu vikum og mánuðum. Fyrir mánuði var fullyrt að Neymar ætti í samningaviðræðum við frönsku meistarana í París SG, þar sem hann átti að fylla skarðið sem Svíinn Zlatan Ibrahimovic skildi eftir sig. Nú er ljóst að Neymar fer ekki neitt.
[OFFICIAL ANNOUNCEMENT] @NeymarJr will continue at @FCBarcelona until 2021 #Neymar2021 https://t.co/kuQEY9CDiE pic.twitter.com/ASxjzWZfAa
— FC Barcelona (@FCBarcelona) July 1, 2016