Danni Choi, leikmaður ástralska knattspyrnuliðsins Blacktown City, skoraði heldur betur óvenjulegt mark í dag, af miðjum eigin vallarhelmingi.
Lið hans mætti Sydney United í 32ja liða úrslitum áströlsku bikarkeppninnar en bæði liðin eru í toppbaráttu í sínum riði í B-deildinni þar í landi.
Staðan var 2:2 í framlengingu og leikmenn Blacktown City orðnir manni færri þegar Choi gerði markið magnaða sem sjá má í myndskeiðinu hér fyrir neðan.
Það sneri leiknum algjörlega við, tíu leikmenn Blacktown City bættu við þremur mörkum í seinni hluta framlengingarinnar og unnu sætan sigur, 6:2. Þeir eru því komnir í sextán liða úrslit bikarsins.
A crazy 70-yard golazo from Australia 🚀🚀🚀
— 101 Great Goals (@101greatgoals) July 27, 2016
Blacktown City's Danny Choi v Sydney United (via @Outside90) pic.twitter.com/eKmKRvQBvN