Spænska stórliðið Barcelona er að ganga frá kaupum á spænska framherjanum Paco Alcacer frá Valencia.
Alcacer, sem er 22 ára gamall, hefur verið einn besti leikmaður spænsku deildarinnar síðustu tvö árin og hefur gert 24 mörk á þeim tíma.
Hann er nú á leið til Barcelona, en hann stóðst læknisskoðun í dag og verður líklega kynntur á allra næstu dögum.
Valencia hefur verið að missa öflugustu leikmenn sína síðustu daga, en Shkodran Mustafi gekk til liðs við Arsenal á dögunum.