Real Madrid tapaði fyrir Celta Vigo, 2:1, í fyrri leik liðanna í átta liða úrslitum spænsku bikarkeppninnar í knattspyrnu.
Iago Aspas og Jonny Castro skoruðu mörk Celta Vigo, en Marcelo skoraði mark Real. Liðin mætast á ný í næstu viku.
Real Madrid var búið að vinna 40 leiki í röð þegar liðið tapaði fyrir Sevilla í spænsku 1. deildinni um helgina. Þetta er því annað tap liðsins í röð. Allt árið 2016 tapaði liðið aðeins tveimur leikjum í öllum keppnum.