Matthías Vilhjálmsson skoraði þrennu fyrir Noregsmeistara Rosenborg í kvöld þegar þeir sigruðu Levanger á útivelli, 4:2, í 3. umferð norsku bikarkeppninnar í knattspyrnu.
Matthías lék allan leikinn með Rosenborg og kom liðinu í 2:0 undir lok fyrri hálfleiks, og eftir að Levanger minnkaði muninn gerði hann tvö mörk með þriggja mínútna millibili um miðjan síðari hálfleikinn.