Það var Íslendingaslagur í sænsku úrvalsdeildinni í knattspyrnu í dag þar sem Djurgården vann óvæntan sigur á toppliði Eskilstuna, 1:0.
Hallbera Guðný Gísladóttir lagði upp sigurmarkið um miðjan síðari hálfleikinn, en hún spilaði allan leikinn með Djurgården eins og Guðbjörg Gunnarsdóttir í markinu.
Glódís Perla Viggósdóttir stóð vaktina allan tímann í vörn Eskilstuna, sem var þarna að tapa sínum fyrsta leik í deildinni eftir átta umferðir.