Fabio Borini, leikmaður enska knattspyrnufélagsins Sunderland, er á leið í læknisskoðun hjá AC Milan, eftir að félögin komust að samkomulagi um kaupverð upp á 5,3 milljónir punda.
Milan og Roma reyndu að fá hinn 26 ára Borini í janúar, en Sunderland hafnaði tilboðum þeirra. Eftir að hafa fallið úr ensku úrvalsdeildinni á síðustu leiktíð hefur félagið hins vegar ákveðið að selja Ítalann.
Borini spilaði 24 leiki fyrir Sunderland á síðustu leiktíð og skoraði í þeim tvö mörk.