Kostas Manolas, varnarmaður Roma, mætti ekki í eigin læknisskoðun eftir að ítalska knattspyrnufélagið samþykkti tilboð frá rússneska félaginu Zenit. Manolas var búinn að samþykkja kaup og kjör hjá Zenit, en hann mætti ekki í læknisskoðunina þar sem hann vill fá borgað í evrum, en ekki rússneskum rúblum.
Rússneska rúblan hefur verið óstöðug að undanförnu og telur hann meira öryggi falið í því að fá borgað í evrum. Zenit hefur samþykkt að borga 30 milljónir punda fyrir Manolas, en búist er við að þetta mál verði leyst og hann verði orðinn leikmaður Zenit fyrr, frekar en síðar.