FH er úr leik í Evrópudeildinni í knattspyrnu eftir 3:2-tap gegn Braga á útivelli í seinni leik liðanna í umspili um sæti í riðlakeppninni. FH tapaði fyrri leiknum 2:1 og einvíginu því samanlagt 5:3.
Böðvar Böðvarsson kom FH yfir á 16. mínútu með skalla en Paulinho jafnaði leikinn skömmu fyrir hlé og var staðan í leikhléi því 1:1. Böðvar var hins vegar aftur á ferðinni á 51. mínútu þegar hann skoraði af stuttu færi eftir hornspyrnu.
Leikurinn stefndi því í framlengingu þangað til Paulinho skoraði sitt annað mark á 80. mínútu. FH reyndi allt hvað það gat að jafna leikinn en Dyego Sousa skoraði sigurmark Braga í uppbótartíma og er Evrópuævintýri FH því á enda.
Fylgst var með gangi mála í beinni textalýsingu á mbl.is.
Braga | 3:2 | FH | Opna lýsingu Loka | |
---|---|---|---|---|
90. mín. Bruno Xadas (Braga) fer af velli | ||||
Augnablik — sæki gögn... |