Þjálfari Kosóvó búinn að segja upp

Albert Bunjaku hefur sagt upp starfi sínu sem þjálfari karlalandsliðs Kosóvó í knattspyrnu. Liðinu hefur gengið illa í undankeppni HM, en Kosóvó er í riðli með Íslandi og hefur aðeins eitt stig á botninum. Ísland hafði betur gegn Kosóvó á útivelli, 2:1 þegar liðin mættust í mars á þessu ári. 

Eina stig Kosóvó í riðlinum til þessa kom á heimavelli gegn Finnum er liðin gerðu 1:1-jafntefli en liðið er í fyrsta skipti í undankeppni HM. Ísland fær Kosóvó í heimsókn í lokaumferð riðilsins þann 9. október næstkomandi. 

• Blogga um frétt