Ísland mun láta okkur hafa fyrir hlutunum
Setja bókamerki
Ísland mætir Argentínu, með töframanninn Lionel Messi í broddi fylkingar, í fyrsta leik sínum í úrslitakeppni HM í knattspyrnu í Rússlandi næsta sumar.
Argentínumenn hafa tvívegis hampað heimsmeistaratitlinum 1978 og 1986 og í þrígang hafa þeir lent í öðru sæti, síðast á HM í Brasilíu 2014.
„Liðin sem eru með okkur í riðli munu veita okkur harða keppni,“ sagði Jorge Sampaoli landsliðsþjálfari Argentínumanna þegar hann var inntur eftir viðbrögðum um dráttinn á HM.
„Íslenska liðið mun láta okkur hafa fyrir hlutunum svo mikið er víst. Lið Nígeríu er ófyrirsjáanlegt. Það er mikill hraði í þeirra liði og við verðum að kortleggja það vel.
Króatía verður okkar erfiðasti andstæðingur í riðlinum. Þeir eru með frábæra miðjumenn eins og Luka Modric, Ivan Rakitic og Ivan Perisic og Mario Madzukic í fremstu víglínu. Þeir eru mjög sterkir,“ sagði Sampoli, sem tók við argentínska landsliðinu í maí á þessu ári.
„Mér finnst Halla Hrund svona Vigdísarleg“
„Þetta náttúrulega endar með ósköpum“
Segir nýtt frumvarp gefa eldisfyrirtækjum auðlindir
Átta morðmál á aðeins tólf mánuðum
Moses Hightower og Prins Póló gefa út eyjalag
Beint frá Kína
Hernaðaraðstoð samþykkt – Vopnasendingar í vikunni