Sleggjukastarinn Hilmar Örn Jónsson tryggði sér nú rétt í þessu sæti í úrslitum í sleggjukasti karla á heimsmeistaramóti unglinga 19 ára og yngri í Eugene í Bandaríkjunum, þegar hann kastaði 76,03 metra í undanúrslitum.
Hilmar gerði ógilt í fyrsta kasti en annað kast hans var fullkomlega löglegt og er hans næstbesta með 6 kg sleggju, en best á hann 76,51 metra frá því fyrr í sumar.
Kasta þurfti sleggjunni 74,50 metra til þess að komast í úrslit, sem fara fram klukkan 01.00 að íslenskum tíma aðfaranótt laugardags.