Ísland sendir átta keppendur á fyrsta Smáþjóðamótið í karate sem fram fer í Lúxemborg á laugardaginn. Sjö þjóðir taka þátt og verða keppendur um 240 talsins.
Þetta verður í fyrsta sinn sem mótið er haldið en þátttökuþjóðirnar eru þær sömu og keppa venjulega á Smáþjóðaleikunum sem haldnir eru annað hvert ár.
Keppendurnir koma frá Andorra, Kýpur, Lúxemborg, Möltu, Mónakó, San Marínó og Íslandi.
Keppt verður í kata og kumite, í flokkum unglinga og fullorðinna.
Landslið Íslands skipa:
Bogi Benediktsson, Þórshamri
Edda Kristín Óttarsdóttir, Fylki
Elías Snorrason, KFR
Jóhannes Gauti Óttarsson, Fylki
Katrín Ingunn Björnsdóttir, Fylki
Laufey Lind Sigþórsdóttir, Breiðablik
Svana Katla Þorsteinsdóttir, Breiðablik
Telma Rut Frímannsdóttir, Afturelding
Auk þeirra fara landsliðsþjálfararnir Magnús Eyjólfsson og Gunnlaugur Sigurðsson, Sigþór Samúelsson sem fararstjóri og dómararnir Helgi Jóhannesson, Pétur Freyr Ragnarsson og Reinharð Reinharðsson.