Serbinn Novak Djokovic, efsti maður heimslista karla í tennis, fór vel af stað á Opna kínverska mótinu í Beijing í morgun.
Djokovic vann þar auðveldan sigur á Guillermo García-Lopez frá Spáni, 6:2 og 6:1, í fyrstu umferðinni.
Tomas Berdych frá Tékklandi, þriðji sterkasti maður mótsins, vann annan Spánverja, Feliciano Lopez, jafnauðveldlega, 6:1 og 6:2.
Marin Cilic frá Króatíu, sem vann US Open á dögunum, vann Yan Bai frá Kína, 6:3 og 6:4.