Einar og Ásgerður Íslandsmeistarar
Setja bókamerki
Einar Daði Lárusson úr ÍR og Ásgerður Jana Ágústsdóttir úr UFA urðu um helgina Íslandsmeistarar innanhúss í fjölþrautum en mótið fór fram í Laugardalshöllinni á laugardag og sunnudag.
Einar setti persónulegt met í sjöþraut karla, fékk 5.726 stig. Ingi Rúnar Kristinsson úr Breiðabliki stórbætti árangur sinn og varð annar með 5.345 stig.
Ásgerður sigraði í fimmtarþraut kvenna með 3.320 stig, Hanna Þráinsdóttir úr ÍR varð önnur með 2.739 stig og Sandra Eiríksdóttir, ÍR, varð þriðja með 2.683 stig.
Tristan Freyr Jónsson úr ÍR sigraði í flokki 18-19 ára pilta með 5.106 stig og Guðmundur Karl Úlfarsson úr Ármanni í flokki 17-18 ára pilta með 4.514 stig.
Irma Gunnarsdóttir úr Breiðabliki sigraði í flokki 16-17 ára stúlkna með 3.601 stig en hún bætti þar með fyrra aldursflokkametið í greininni, sem sett var fyrir fjórum árum.
Þá setti Þórdís Eva Steinsdóttir úr FH aldursflokkamet í flokki stúlkna 15 ára og yngri þegar hún fékk 3.639 stig.
„Á réttri leið en nokkuð í land ennþá“
Handteknir eftir myndatöku í Vesturbæjarlaug
Gígbarmurinn hækkað frá því í gær
Vélsleðaslys: Þyrlan kölluð út á mesta forgangi
„Hvílir mikil leynd yfir þessu öllu“
„Það þarf að vinna mikinn fjölda upp“
Banna mengandi búnað sem leyfður er á Íslandi