SA Ásynjur fengu um helgina afhentan deildarmeistarabikarinn í íshokkíi kvenna, sem þær tryggðu sér fyrir rúmri viku með sigri á Birninum á heimasvelli.
Ásynjur unnu Björninn 3:1 í leiknum fyrir rúmri viku og aftur 5:2 í lokaleik sínum í deildarkeppninni þennan veturinn nú á laugardag, í Egilshöll. Eftir þann sigur tóku þær við bikarnum eins og sjá má á meðfylgjandi myndum sem Elvar Freyr Pálsson tók.
Ásynjur töpuðu ekki leik á tímabilinu og þurftu aðeins einu sinni að tryggja sér sigur í framlengingu. Deildarkeppninni er ekki alveg lokið en Björninn kemur við sögu í öllum þremur leikjunum sem eftir eru; einum gegn SR og tveimur gegn SA Ynjum.