Kraftlyftingakonan Fanney Hauksdóttir úr Gróttu varði í morgun heimsmeistaratitil sinn í bekkpressu á heimsmeistaramóti unglinga í Svíþjóð í þeirri grein þegar hún lyfti heilum 145,5 kílóum en um er að ræða nýtt heimsmet.
Besti árangur Fannýjar til þessa var 135 kg og var hún talin sigurstranglegust á mótinu og því stóð hún sannarlega undir væntingum en Fanney keppir í -63 kg flokki.
Með Fanneyju í Svíþjóð er einnig Viktor Ben Gestsson en hann keppir í sinni grein kl. 11 í dag.