Tennisstjarnan verður fánaberi

Caroline Wozniacki
Caroline Wozniacki AFP

Tennisstjarnan Caroline Wozniacki verður fánaberi Dana á Ólympíuleikunum í Ríó í sumar ef marka má Twitter reikning hennar. 

Wozniacki segir frá þessu á Twitter og segir draum vera að rætast. 

Wozniacki er 25 ára gömul og komst um tíma í efsta sæti heimslistans í tennis en er nú í 17. sæti listans. Wozniacki hefur ekki ennþá unnið risamót í tennis en hefur tvívegis farið alla leið í úrslitaleik Opna bandaríska mótsins.

Aðeins tvær konur hafa verið fánaberar fyrir Dani í sögunni. Árið 1976 í Montréal var það ræðarinn Judith Andersen og árið 1988 í Seoul var það hestakonan Anne Grethe. 

mbl.is
Fleira áhugavert
Fleira áhugavert