Vigdís Jónsdóttir úr FH setti mótsmet þegar hún sigraði í sleggjukasti kvenna á Meistaramóti Íslands í frjálsum íþróttum á Akureyri í dag. Hún kastaði 57,11 metra, tæplega níu metrum lengra en næsti keppandi á eftir.
Vigdís, sem fæddist árið 1996, setti íslandsmet í júní þegar hún kastaði 58,56 metra á vormóti ÍR.
Hilmar Örn Jónsson úr FH vann sleggjuakast karla örugglega á Meistaramótinu í dag. Hann kastaði 68,33 metra en næstlengsta kastið var 46,55 metrar.
Hilmar setti Íslandsmetið í júní í sleggjukasti karla í U-22 ára aldursflokki þegar hann kastaði 72,12 metra á móti í Búdapest. Íslandsmet í öllum aldursflokkum er um 30 ára gamalt og er 74,48 metrar. Það setti Bergur Ingi Pétursson.