Paul Pogba verður ekki með Manchester United gegn Tottenham í ensku úrvalsdeildinni í knattspyrnu á morgun vegna andláts föður síns. Fassou Antoine Pogba var 79 ára þegar hann lést í gær eftir langa baráttu við veikindi.
Fassou Pogba fæddist í Gíneu en flutti til Frakklands er hann var þrítugur. Paul Pogba spilar fyrir franska landsliðið en bræður hans spila með landsliði Gíneu.