Sleggjukastarinn Hilmar Örn Jónsson slær ekki slöku við um þessar mundir. Hann tryggði sér í gær keppnisrétt á bandaríska háskólameistaramótinu í frjálsíþróttum sem fer fram Eugene í Oregon dagana 7.-10. júní nk.
Hilmar Örn náði takmarkinu þegar hann kastaði sleggjunni, sem er 7,26 kg, 70,60 metra á svæðismeistaramóti háskóla í Lexington. Þetta er hans lengsta kast á keppnistímabilinu. Hilmar Örn hafnaði í öðru sæti í keppninni í Lexington og var aðeins nokkrum sentímerum á eftir sigurvegaranum.
Á háskólameistaramóti bandaríkjanna, NCAA, koma saman fremstu frjálsíþróttamenn allra háskóla í Bandaríkjunum.