Michelle Wie fékk frávísun

Michelle Wie frá Bandaríkjunum hefur ekki leikið vel á LPGA-kvennamótaröðinni í golfi á undanförnum misserum. Wie sýndi góða takta á fyrstu tveimur keppnisdögunum á State Farm meistaramótinu þar sem hún lék á 65 og 67 höggum. Hún gleymdi hinsvegar að skrifa nafn sitt á skorkortið að loknum öðrum keppnisdegi mótsins og það kom ekki í ljós fyrr en hún var byrjuð á þriðja hringnum. Wie var vísað úr keppni samkvæmt reglum en hún þarf að leika vel á næstu mánuðum til þess að halda keppnisrétti sínum á LPGA-mótaröðinni.

• 1 blogg um fréttina

Bloggað um fréttina

• Ómar Ingi: Sveiflan samt í lagi , þetta er ársgamalt