Óvissa með kvennalandsliðið

„Niðurstaðan var í raun engin að þessu sinni en við munum halda annan slíkan fund eftir verslunarmannahelgina, segir Hörður Þorsteinsson, framkvæmdastjóri Golfsambands Íslands, en óráðið er ennþá hvort kvennalandslið verður sent á heimsmeistaramót áhugamanna í golfi sem fram fer í Ástralíu í október.

Þegar hefur verið ákveðið að karlalið verði sent en menn deila um hvort það svari kostnaði að senda tvö lið til keppni auk þess sem ekki verður hægt að senda sterkasta kvennalið sem völ er á.