Birgir Leifur Hafþórsson er með sjö högga forystu fyrir lokahringinn á Íslandsmótinu í golfi á Leirdalsvelli, en Birgir Leifur lék þriðja hring í dag á fjórum höggum undir pari og er samtals á tólf höggum undir pari.
Axel Bóasson úr GK lék best allra í dag og kom sér upp í annað sætið. Hann fékk átta fugla og einn skolla, á síðustu holunni, og lék samtals á 64 höggum eða sjö undir pari og jafnaði um leið vallarmet Birgis. Hann er sjö höggum á eftir Birgi.
Jafn honum er Þórður Rafn Gissurarson á fimm höggum undir pari, en á eftir þeim koma þeir Bjarki Pétursson og Sigmundur Einar Másson, sem var annar eftir annan dag, en þeir eru á þremur höggum undir pari.
Staða efstu manna er þessi:
Birgir Leifur Hafþórsson (-12)
Axel Bóasson (-5)
Þórður Rafn Gissurarson (-5)
Bjarki Pétursson (-3)
Sigmundur Einar Másson (-3)
Kristján Þór Einarsson (-2)
Ólafur Björn Loftsson (-1)
Aron Snær Júlíusson (Par)
Gísli Sveinbergsson (Par)