Kylfingurinn Justin Rose stóð uppi sem sigurvegari á Zurich-Classic mótinu á PGA-mótaröðinni í golfi í Bandaríkjunum en leikið var á TPC Louisiana-vellinum í New Orleans í Bandaríkjunum í dag.
Rose spilaði frábært golf um helgina og fór á 22 höggum undir pari, höggi betur en Cameron Tringale í 2. sætinu.
Rose spilaði 66 holur í röð án þess að fá skolla og fór hringina fjóra á 66, 65, 66 og 66 höggum.