Vijay Singh, kylfingur frá Fídjieyjum, hefur ákveðið að vera ekki meðal þátttakenda á Ólympíuleikunum sem fram fara í Ríó í Brasilíu í sumar.
Singh telur tímasetningu leikanna henta illa, en hann er ennþá að keppa á PGA mótaröðinni á þeim tíma sem Ólympíuleikarnir verða haldnir.
„Ég ætla að einbeita mér að PGA mótaröðinni og hafa hugann algerlega á þeirri mótaröð. Ég hefði viljað taka þátt en það hafði einnig áhrif á þessa ákvörðun að illa hefur gengið að ráða við Zika veiruna,“ sagði Singh þegar hann tilkynnti um ákvörðun sína..