Atvinnukylfingarnir Ólafía Þórunn Kristinsdóttir og Valdís Þóra Jónsdóttir náðu ekki að vinna sér keppnisrétt á opna bandaríska meistaramótinu í golfi.
Þær tóku í dag þátt í úrtökumóti fyrir bandaríska meistaramótið á Buckinghamshire-vellinum á Englandi. Leiknar voru 36 holur en fimm efstu kylfingarnir komust á opna bandaríska sem verður haldið seinna í sumar.
Ólafía Þórunn lék hringina tvo á 7 höggum yfir parinu og Valdís Þóra var á 9 höggum yfir pari vallarins.