Úlfar Jónsson, þjálfari landsliðanna í golfi, hefur valið liðin sem leika í Evrópukeppni karla og kvenna í byrjun júlí.
Kvennalandsliðið leikur á heimavelli á EM dagana 5.–9. júlí, nánar tiltekið á Urriðavelli, en mótið er það stærsta sem haldið hefur verið hér á landi. Hingað koma allir bestu áhugakylfingar Evrópu í kvennaflokki. Lið Íslands er skipað þremur kylfingum úr GR og þremur kylfingum úr GK:
Anna Sólveig Snorradóttir, GK – val landsliðsþjálfara
Berglind Björnsdóttir, GR – efst á stigalista
Guðrún Brá Björgvinsdóttir, GK – efst á WAGR-heimslista
Ragnhildur Kristinsdóttir, GR – efst í úrtökumóti fyrir kvennalandslið
Signý Arnórsdóttir, GK – val landsliðsþjálfara
Sunna Víðisdóttir, GR – val landsliðsþjálfara
Úlfar valdi einnig karlalandsliðið, ásamt Birgi Leifi Hafþórssyni aðstoðarþjálfara, en það keppir í 2. deild Evrópukeppni landsliða á Kikiyoka-vellinum í Lúxemborg dagana 6.–9. júlí. Liðið er skipað þremur kylfingum úr GR, tveimur úr GKG og einum úr GK:
Andri Þór Björnsson GR, efsta sæti WAGR-heimslistans og efsta sæti stigalista GSÍ.
Guðmundur Ágúst Kristjánsson GR, annað sæti WAGR-heimslistans.
Egill Ragnar Gunnarsson GKG, efsta sæti í úrtökumóti um sæti í karlalandsliði.
Haraldur Franklin Magnús GR, þriðja sæti WAGR-heimslistans. Sigur og lægsta meðalskor í háskólagolfi á seinasta tímabili. Val landsliðsþjálfara.
Gísli Sveinbergsson GK. Íslandsmeistari í holukeppni. Val landsliðsþjálfara.
Aron Snær Júlíusson GKG. Val landsliðsþjálfara.
Loks valdi Úlfar sex kylfinga í U18-stúlknalandsliðið sem keppir á EM á velli Osló-golfklúbbsins í Noregi dagana 5.–9. júlí. Liðið skipa:
Elísabet Ágústsdóttir GKG
Eva Karen Björnsdóttir GR
Hulda Clara Gestsdóttir GKG
Ólöf María Einarsdóttir GM
Saga Traustadóttir GR
Zuzanna Korpak GS