Fjórir fuglar í röð hjá Ólafíu

Ólafía Þórunn Kristinsdóttir.
Ólafía Þórunn Kristinsdóttir. mbl.is/Styrmir Kári

Ólafía Þórunn Kristinsdóttir úr GR er búin að ná forystunni af Valdísi Þóru Jónsdóttur úr Leyni en þar hafa orðið miklar sviptingar. 

Ólafía er búin að fá fjóra fugla í röð frá 2. - 5. holu en auk þess tvö pör. Rosaleg spilamennska. Valdís hefur fengið tvo fugla en fékk skramba á 3. holuna. 

Ólafía hefur nú tveggja högga forskot og er samtals á níu höggum undir pari. Hvort sem það verður Ólafía eða Valdís sem sigrar þá er ljóst að í uppsiglingu er langbesta skor í kvennaflokki í sögu Íslandsmótsins. 

mbl.is
Fleira áhugavert
Fleira áhugavert