Óvíst er hvenær tekst að ljúka PGA-meistaramótinu í golfi, síðasta risamóti ársins, en þriðji keppnisdagur fór fyrir ofan garð og neðan í gær vegna veðurs.
Leik var frestað í gær vegna veðurs og efstu menn í mótinu eftir 36 holur af 72 fóru ekki út á völl. Staða efstu manna í mótinu er því óbreytt frá föstudagskvöldinu. Jimmy Walker og Robert Streb eru efstir á 9 höggum undir pari samtals.
Emiliano Grillo og Jason Day eru á sjö undir pari og Henrik Stenson kemur næstur á sex undir pari.