Hinn 19 ára gamli Fannar Ingi Steingrímsson bar sigur úr býtum á Egils Gull-mótinu sem fram fór á Hólmsvelli í Leiru í dag. Þetta var fyrsti sigur Fannars í Eimskipsmótaröðinni.
Fannar lék hringina þrjá á fimm höggum undir pari og var hann þremur höggum á undan Ragnari Má Garðarssyni. Dagbjartur Sigurbrandsson og Ingvar Andri Magnússon deildu þriðja sætinu en þeir eru 14 og 17 ára gamlir.
Staða efstu manna:
- Fannar Ingi Steingrímsson, GHG (73-67-71) 211 högg (-5)
- Ragnar Már Garðarsson, GKG (73-68-73) 214 högg (-2)
- Dagbjartur Sigurbrandsson, GR (69-74-72) 215 högg (-1)
- Ingvar Andri Magnússon, GR (71-70-74) 215 högg (-1)
- Aron Snær Júlíusson, GKG (73-69-74) 216 högg par
- Stefán Már Stefánsson, GR (70-75-73) 218 högg (+2)
- Egill Ragnar Gunnarsson, GKG (75-70-73) 218 högg (+2)
- Theodór Emil Karlsson, GM (71-73-74) 218 högg (+2)
- Andri Már Óskarsson, GHR (73-75-71) 219 högg(+3)